A SANTA MARIÑA

A Santa Mariña é o nome que recibe un Outeiro situado preto da poboación de A Casanova, parroquia de San Miguel de Armeses (Maside). Trátase de un promontorio rochoso que se ergue sobre o Río Barbantiño pouco antes da súa desembocadura no Río Miño. Formado por dous cumios e varias terrazas, no seu interior alberga vestixios e restos materiais de diferentes épocas prehistóricas e medievais. O seu rico legado cultural, fraguou na memoria local incontables historias e lendas que chegan aos nosos tempos a traveso dos relatos da Santa Mariña.